“Геологияның, өндірудің, сирек, жерде сирек кездесетін, асыл металдарды бөлудің және олардың негізінде қазіргі заманғы материалдар жасаудың іргелі мәселелері” атты V Халықаралық Симпозиум
2022 жылғы 16-18 қыркүйек, Алматы, ҚазақстанРеспубликасы
Симпозиумның мақсаты – ғылыми қоғамдастықта ақпарат алмасу деңгейі мен қарқындылығын арттыру, жүргізіліп жатқан зерттеулердің тиімділігін арттыруға ықпал ете отырып, пәнаралық сипаттағы тиімді коммуникациялық құралдарды қалыптастыру және дамыту; ғылыми қоғамдастық пен нәтижелерді әлеуетті тұтынушылар – экономиканың нақты секторының кәсіпорындары арасында тығыз өзара іс-қимылды дамыту және орнату, ғылыми-зерттеу және тәжірибелік-конструкторлық жұмыстар саласына жас мамандардың келуін қамтамасыз ету.
Симпозиумда пленарлық отырыстар, дөңгелек үстелдер және жастар ғылыми секциялары өткізілді. Симпозиумға геология, тау-кен өндіру, сирек, сирек жер, асыл металдарды өңдеу және олардың негізінде заманауи материалдарды жасау саласында жұмыс істейтін мамандар қатысты.
Ғылыми баяндама жасаған ғалымдарды, ғылым мен тәжірибе үшін маңызды ғылыми жаңалықтар мен өнертабыстарды ынталандыру мақсатында «Тиолайн» жауапкершілігі шектеулі серіктестігінің құрылтайшысы симпозиум дәстүрін қолға алып, геологияны дамытуға, сирек, сирек жер және асыл металдарды өндіру, бөлу саласына елеулі үлес қосқан ғалымдарды медальдармен марапаттады.АҚ «Металлургия және байыту институтынан» симпозиум қорытындысы бойынша екі ғылыми баяндама жасалынып, сертификаттармен марапатталды. Қойжанова А.Қ. және Магомедов Д.Р. «Төмен сульфидті және балқитын алтыны бар шикізатты электрофлотациялық байыту процестерін зерттеу» атты тақырыбында баяндаса, «Обухов тау-кен байыту комбинатының циркон ортасынан сирек жер металдарының концентратын алу технологиясы» ең үздік баяндамасы үшін Найманбаев М.А. дипломмен марапатталды.
