Satbayev University-деАкадемик С.М. Қожахметовтың 90 жылдығына арналған Ғылыми кеңестің кеңейтілген отырысы өтті.
2025 жылдың 19 қыркүйегінде Satbayev University-нің мәжіліс залында Қазақстан Республикасы Ұлттық ғылым академиясының Құрметті академигі, ғылым мен техника саласындағы КСРО Мемлекеттік сыйлығының лауреаты, Металлургия және кен байыту институтының бас ғылыми қызметкері Сұлтанбек Мырзахметұлы Қожахметовтың туғанына 90 жыл және ғылыми қызметінің 67 жылдығына арналған Ғылыми кеңестің кеңейтілген отырысы өтті.
Отырысты Satbayev University-нің Басқарма мүшесі, ғылым және корпоративтік даму жөніндегі проректоры Ержан Итеменұлы Көлдеев ашып, көрнекті ғалымның мерейтойының маңыздылығын атап өтті.
«Академик С.М.Қожахметов – Қазақстанның көрнекті металлург ғалымы және ғылымды ұйымдастырушы» атты негізгі баяндаманы Металлургия және кен байыту институтының директоры, техника ғылымдарының докторы, профессор Кенжалиев Бақдәулет Кенжәліұлы жасады.
Қазақстан Республикасы Білім және ғылым министрлігі Ғылым комитеті төрағасының орынбасары Жайық Хамитұлы Тоқтаров;
Қазақстан Республикасы Ұлттық инженерлік академиясының президенті, академик Бақытжан Тұрсынұлы Жұмағұлов;
Қазақстан Республикасы Президентінің жанындағы Қазақстан Республикасы Ұлттық ғылым академиясының вице-президенті, профессор Абай Серікқанұлы Серікқанов;
«Қазақмыс» корпорациясы» ЖШС Басқарма төрағасы Нұриев Нұрахмет Қанатұлы;
Тұран университетінің ректоры, Қазақстан Республикасы Ұлттық инженерлік академиясының академигі Рахман Алшанұлы Алшанов;
Алматы қаласы әкімдігінің жастар саясаты мәселелері басқармасы басшысының орынбасары Алмаз Абайұлы Кеңесбай;
Қазақстан Республикасы «Минералдық шикізатты кешенді қайта өңдеу ұлттық орталығы» республикалық мемлекеттік қазыналық кәсіпорны бас директорының бірінші орынбасары Айтқұлов Досмұрат Қызылбиұлы құттықтап, жылы лебіздерін білдірді.
Қорытындылай келе, Satbayev University-нің Басқарма мүшесі, ғылым және корпоративтік даму жөніндегі проректоры Ержан Итеменұлы Көлдеев қатысушыларға осы айтулы оқиғаға назар аударғандары үшін алғысын білдіріп, академик Қожахметов «тек ұлы ғалым ғана емес, сонымен бірге Қазақстанда металлургия мен ғылымның дамуына қосқан үлесі бүгінгі күнге дейін өзекті және дем беретін көзі тірі аңыз» екенін баса айтты.
