Сазтопырақ және алюминий зертханасы

Негізгі жетістіктер:

Сапасыз бокситтерді қайта өңдеу технологиясы Павлодар алюминий зауытында Бүкілодақтық алюминий және магний институтымен бірлесіп енгізілді;
Павлодар алюминий зауытында галлий мен ванадий алу технологиясы әзірленді және енгізілді;
Бүкілодақтық алюминий және магний институтының тәжірибелік зауытында алюминий бар шикізатты ашудың жоғары температуралы автоклавты технологиясы әзірленді және сыналды;
Көктал темір бокситтерін өңдеуге арналған Байер гидрогранат технологиясы «МжКБИ» АҚ тәжірибелік өндірісінде әзірленді және сынақтан өтті;
«Қазақстан Республикасының Қостанай облысында қуаты жылына 1 млн. тонна сазтопырақ өндіретін зауыт салу” инвестициялық жобасына техникалық-экономикалық бағалау жүргізілді;
“ЖЭС күлін қалдықсыз өңдеудің модульдік өндірісін ұйымдастыру” жобасы бойынша техникалық-экономикалық есеп әзірленді;
Қызыл шламнан гидрогранат пигменттерін алу технологиясы жасалды. Жоба аясында Сколково инновациялық кәсіпорнымен пигменттердің тәжірибелі партиялары алынды;
Қызыл шламнан скандийді алудың жетілдірілген карбонизация технологиясы жасалды.

Енгізуге ұсынылатын ғылыми-техникалық әзірлемелер:

Сазтопырақ өндірісінің өнеркәсіптік өнімдерінен галлий мен ванадийді алу технологиясы;
Сілтілік-алюминий ерітінділерінен реакциясыз галлий алуға арналған электролизер;
Темірлі бокситтерін кешенді өңдеудің Байер-гидрогранат технологиясы;
Шойын мен пигменттер алу үшін Павлодар алюминий зауытының темірлі құмдарын кешенді қайта өңдеу;
Ұсақ дисперсті хром концентратынан күрделі түйіршіктер алу технологиясы.

Зерттеудің негізгі бағыттары:

Сазтопырақ гидрометаллургиясы мен технологиясы;
Қазақстанның алюминий өндірісінің техногендік қалдықтарынан наноқұрылымды композициялық титан пигменттерін синтездеудің инновациялық технологиясын әзірлеу;
Дон Тау кен байыту комбинатының хром кенін байытудың техногендік қалдықтарын кәдеге жарату кезінде табиғи ресурстар мен экологияны ұтымды пайдаланудың өзекті мәселелерін шешу;
Алюминий, кремний, натрий, кальций, темір сияқты жүйелердегі өзара әрекеттесулердің физика-химиялық зерттеулері;
Құрамында алюминий оксиді бар шикізатты кешенді өңдеу технологияларын әзірлеу;
Сазтопырақ өндірісінің өнеркәсіптік өнімдерінен сирек металдарды ілеспе түрінде алу;
Алюмосиликатты шикізатты өңдеудің фторидті технологиясын әзірлеу;
ЖЭС күлін және басқа да техногендік қалдықтарды кешенді өңдеу технологияларын әзірлеу;
Хром өндірісінің өнеркәсіптік өнімдері мен қалдықтарын кешенді қайта өңдеу технологиясын әзірлеу;
Ауыз су мен ағынды суларды тазарту үшін коагулянттар мен реагенттер алу технологиясын әзірлеу;
Қазақстанның кондициялық емес ильменит концентраттарын кешенді өңдеу технологиясын әзірлеу.

Зертхананың өндірістік байланыстары:

Павлодар алюминий зауыты, «Қазақ хром» ЖШС, «Алюминий жобасы» (Ресей), Алкорус (Ресей), Тау-кен институты (Ресей), Геомеханика және жер қойнауын игеру институты (Қырғыз Республикасы), Suleyman Demirel University (Түркия), ETI Aluminyum (Түркия), Cmrdi (Орталық металлургиялық ғылыми-зерттеу институты, Египет).