Металлург, Қазақстан Республикасы Ұлттық ғылым академиясының академигі, техника ғылымдарының докторы, профессор – Ни Леонид Павловичтің туғанына 100 жыл толуына арналған МжКБИ Ғылыми кеңесінің кеңейтілген отырысы.
2023 жылғы 7 сәуірде Металлургия және кен байыту институтында металлург, Қазақстан Республикасы Ұлттық ғылым академиясының академигі, техника ғылымдарының докторы, профессор – Ни Леонид Павловичтің туғанына 100 жыл толуына арналған Ғылыми кеңестің кеңейтілген отырысы өтті.
Ғылыми кеңес отырысына: Леонид Павловичтің ұлы Александр Леонидович Ни; «Кахак» Қазақстан ғалымдары мен инженерлерінің корей қауымдастығының президенті Григорий Алексеевич Мун; Қазақстан корейлері қауымдастығының Ақсақалдар кеңесінің төрағасы Иван Тимофеевич Пак; Сәтбаев университетінің корпоративтік даму жөніндегі проректоры Ержан Итеменұлы Көлдеев қатысты
«МжКБИ» АҚ Бас директоры Кенжалиев Б.К. сазтопырақ және алюминий металлургиясы саласында еңбек еткен Леонид Павлович Нидің өмірі мен қызметі туралы баяндама жасады. Ол Леонид Павловичтің Еңбек Қызыл Ту, «Құрмет Белгісі» ордендерімен марапатталғанын, Қазақстан Республикасының еңбек сіңірген ғылым қайраткері, КСРО Мемлекеттік сыйлығының лауреаты болғанын атап өтті.
Қазақстан Республикасы Ұлттық ғылым академиясының академигі Қожахметов С.М., т.ғ.к. Ковзаленко В.А. өз естеліктерімен бөлісті.
Институттың Ғылыми кеңесінің кеңейтілген отырысының соңында Леонид Павловичтің ұлы Александр Ни әкесінің жүз жылдығына арналған іс-шараны ұйымдастырған Металлургия және кен байыту институтының басшылығына, сондай-ақ жылы естеліктерімен бөліскен адамдарға алғысын білдірді..
